Азат Зарипов 500 мең һумлыҡ грант алды

Бизнес-проектты тормошҡа ашырыу өсөн грант – бәләкәй һәм урта эшҡыуарлыҡ субъекттары өсөн уңайлы дәүләт ярҙамы ҡоралдарының береһе. Ике йыл эсендә 395 йәш эшҡыуар субсидия алған һәм үҙ проекттарын уңышлы тормошҡа ашыра башлаған. Грант алыусылар араһында - теген фабрикалары, ҡәһүәхана, белем биреү ойошмалары, автооҫтаханалар һәм автойыуыу нөктәләре хужалары һәм башҡалар.

“Урал аръяғының эшлекле донъяһы” автономлы коммерцияға ҡарамаған ойошмаһының территориаль бизнес-инкубаторы белгестәре Сибай ҡалаһынан Азат Зариповҡа “Автойыуыу STATUS AUTO” тип аталған бизнес-план һәм презентация әҙерләргә ярҙам итте.

“Финанс ярҙамы алыу ауырға төшмәне: “Минең бизнесым” үҙәгендә бушлай уҡыуҙар үтергә һәм документтар әҙерләргә кәрәк ине. Бизнес-инкубаторҙың тәжрибәле остаздары ярҙамы менән ҡыҫҡа ваҡыт эсендә барлыҡ кәрәкле документтарҙы йыйҙым”, - тип билдәләне шәхси эшҡыуар Азат Зарипов.

Билдәле булыуынса, "Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү" (национальный проект “Малое и среднее предпринимательство и поддержка индивидуальной предпринимательской инициативы”) милли проекты Рәсәй Президенты Владимир Путиндың май указы менән булдырылды.

Фото: Сибай ҡалаһы хакимиәте.