Балаларығыҙ күмәк булһа, “текә” автоғыҙ өсөн дә һалым кәметеләсәк

“Транспорт һалымы тураһында” законға үҙгәрештәр индереү хаҡында закон проекты республика парламентының апрелдәге пленар ултырышында ҡараласаҡ.

Закон проектында күп балалы ғаиләләр өсөн двигатель ҡеүәте 150-нән 200-гә тиклем ат көсө булған автомобилдәргә транспорт һалымын 50 процентҡа кәметергә тәҡдим ителә. Ташламаны ата-әсәнең йәки уллыҡҡа алыусыларҙың береһе бер транспорт сараһына ала ала. Был турала, Башҡортостан Республикаһы Дәүләт Йыйылышы – Ҡоролтайҙың матбуғат үҙәгенә һылтанып, “Молодежная газета” хәбәр итә.

Белеүегеҙсә, хәҙерге ваҡытта ишле ғаиләләр ҡеүәте 150-гә тиклем ат көсө булған автомобилдәренә транспорт һалымы түләүҙән тулыһынса азат ителгән.

Фото: авторҙыҡы һәм www.drive2.ru