Грипп ҡасан килер?

"Башҡортостанда әлегә грипп юҡ, әммә киҫкен вируслы респиратор ауырыу йөрөй", – тип хәбәр итә белгестәр. Шулай ҙа был киҙеүҙең билдәләре грипҡа оҡшаған: тән температураһы юғары күтәрелә, тамаҡ ялҡынһый, баш сатнап ауырта. Район үҙәгендәге дарыуханаларҙағы сираттарға ҡарағанда, беҙҙең районға ла был киҙеү килеп еткән. Шуның өсөн йылыраҡ кейенеп йөрөгөҙ, организмығыҙҙы үләй сәйҙәре, вирусҡа ҡаршы препараттар менән дә ҡеүәтләп торорға онотмағыҙ.