Сәсең ялтырап торһон тиһәң

 

Шампунь һайлағанда, шул уҡ сериялағы бальзам йәки сәс өсөн махсус маска һатып алырға онотмағыҙ.

Сәсте тырнаҡтар менән түгел, ә бармаҡ биттәре менән йомшаҡ ҡына массаж яһап йыуырға, бальзам һәм маска һылағанда шулай уҡ баш тиреһенә массаж яһарға кәңәш ителә. Ошолайэшләгәндә, баш тиреһенең ҡан әйләнеше яҡшыра, сәс тамырҙарына файҙалы матдәләр тиҙерәк үтеп инә.
Сәстәргә сал керә башлағас, буярға ашыҡмайынса, тон бирә торған шампунь ҡулланып ҡарау яҡшыраҡ булыр, сөнки улар сәсте киптермәй һәм зарары юҡ.

Сәстәр сәләмәт булһын һәм ялтырап торһон өсөн дымландырыусы маскаларҙы өй шарттарында ла яһарға мөмкин. Сәсте туҡландыра, дымландыра, ялтырата һәм шымарта торған маска тәҡдим итәбеҙ. Сәстең оҙонлоғона ҡарап, өс аш ҡалағы тирәһе әрем, кастор, һырғанаҡ һәм зәйтүн майҙары һалынған һауытты ҡайнар һыулы һауыт өҫтөндә йылытып алып, баш тиреһенә һәм сәстәргә һыларға. Сәстәрҙе пленка менән ҡаплап, һөлгөгә төрөп 30-40 минут тоторға һәм йылымыс һыу менән йыуырға кәрәк.

Сығанаҡ:https://bashgazet.ru/articles/y-m-i-t/2020-01-25/s-se-gel-n-o-landyr-yn-ti-642899