Алдынғыларға - дан һәм хөрмәт!

Быйыл райондың крәҫтиән (фермер) хужалыҡтары иген үҫтереүҙә ҙур ғына уңышҡа өлгәшкән икән, бында ябай эшсәндәрҙең хеҙмәт өлөшө тос. Республика көнөнә арналған тантаналы йыйылышта тырыш игенселәрҙең фиҙакәр хеҙмәте лайыҡлы баһаланды. Мәҫәлән, «Иҫәндәүләтов М.Ғ.» КФХ-һы комбайнсыһы Йомағол Хәйбулла улы Йәнсурин (һүрәттә – уртала) «Ураҡ-2017 еңеүсеһе» тип танылды, ошо уҡ хужалыҡтың водителе Ғәлләм Ғәлимйән улы Амакасов (уңда) быйылғы ураҡтың иң яҡшы водителе исеменә лайыҡ булды, ә «Алғошаев Й.С.» КФХ-нан Алмаз Йәмил улы Алғошаевҡа 2017 йыл урағының иң йәш комбайынсыһы исеме бирелде.