Бер биҙрә һыуға 1 кг тоҙ, 8-10 ҡара борос, 4-5 лавр япрағы, 1-2 баш һарымһаҡ алына. Ҡаҙ яңы һуйылған йә туңдырылған булһа ла ярай. Һыу йылымса булырға тейеш. Ҡаҙҙы һыуҙа кәмендә 12-14 сәғәт тоторға кәрәк. Ул тулыһынса һыуға күмелеп торорға тейеш. Һыуҙан алғас, таҙа сепрәк менән һөртөп ҡоротабыҙ. Эслеккә алма һәм ҡара емеш, үҙегеҙ теләгән башҡа эслек алырға була.
2-3 аш ҡалағы майонезға ярты сәй ҡалағы аджика һалып бутап, шуны ҡаҙҙың тиреһенә һөртәбеҙ. Махсус целоффан “ең”гә лә, 2 ҡат фольгаға ла тағырға була. Духовкала 2 сәғәт бешкәс, фольганы асып, яңынан өҫтөн ҡыҙартып алырға кәрәк.
Сығанаҡ: "Башҡортостан ҡыҙы" журналынан.