Бөтә яңылыҡтар
Демография
30 Декабрь 2019, 17:05

Күп балалы әсәйҙәргә – миҙалдар!

Иҫләйһегеҙҙер, күптән түгел генә “Миҙаллы әсәйҙәребеҙ арта” исеме аҫтында мәҡәлә донъя күргәйне. Унда район үҙәгендә йәшәгән күп балалы әсәй Миләүшә Рәйес ҡыҙын юғары награда алыуы менән ҡотлаған инек. Бөгөн, тағы һөйөнөслө хәбәр алдыҡ.

Йылайыр ауылынан Миләүшә Рамаҙан ҡыҙы Алсынова “Әсәлек даны” миҙалы дәүләт наградаһы алып ҡайтты.
26 декабрь көндө Өфө ҡалаһында Башҡортостан Республикаһы Хөкүмәте Премьер-министры урынбаҫары, Башҡортостан республикаһы Ғаилә, хеҙмәт һәм халыҡты социаль яҡлау министры Ленара Хәким ҡыҙы Иванова күп балалы әсәләргә миҙалдар тапшырҙы. Миҙаллылар рәтен был юлы 50 әсәй тулыландырҙы.
Миләүшә тормош иптәше Өлфәт менән биш бала тәрбиәләйҙәр.
Ихлас ҡотлауҙарға беҙ ҙә ҡушылабыҙ!