“Ғашиҡтар матур була...”

Мөхәббәткә сорналған байрамдарҙың береһе – ул Ғашиҡтар көнө. Был байрамға ҡараштар төрлө, әммә ул һәр кемгә лә ҡағылалыр: кешене кеше иткән, ҡанатландырған, алға ынтылдырған, көс биргән, илһамландырған тойғо – мөхәббәт бит! Яратып, яратылып йәшәгәндәр, бер-береһен ихтирам иткән, бер-береһенә тоғро булған, ихлас һәм эскерһеҙ хистәр кисергән кешеләр ысын мәғәнәһендә бәхетлеләр.