Бөтә яңылыҡтар
Экология
12 Апрель 2019, 11:45

Квитанциялағы мәғлүмәттәр дөрөҫ булмаһа...

15 апрелдән башлып, Башҡортостанда йәшәүселәргә сүп-сар менән эш итеү буйынса “Эко-Сити” төбәк операторынан март өсөн электр энергияһына түләү квитанцияһы менән бергә йәки айырым квитанциялар килә башлаясаҡ.

15 апрелдән башлып, Башҡортостанда йәшәүселәргә сүп-сар менән эш итеү буйынса “Эко-Сити” төбәк операторынан март өсөн электр энергияһына түләү квитанцияһы менән бергә йәки айырым квитанциялар килә башлаясаҡ.
Әлеге ваҡытта “Эко-Сити” төбәк операторына (ТО) тәүге квитанцияларҙа ебәрелгән хаталарҙы төҙәтеүҙе һораған 20 мең ғариза килде. Уларҙы яртыһы эшкәртелде, үҙгәрештәр мәғлүмәттәр базаһына индерелде. 10 мең тирәһе мөрәжәғәт яҡын арала ҡараласаҡ. Шуға ла әлегә март өсөн түләү квитанцияларының ҡайһы берҙәрендә хата мәғлүмәттәрҙең ҡабатланыуы ихтимал. Әгәр фатир йәки йорт хужаһы квитанциялағы хаталарҙы төҙәтеү тураһында төбәк операторына ошоға тиклем үк ғариза биргән булһа, ҡабатлап мөрәжәғәт итеү талап ителмәй, фәҡәт фатирҙа йәки йортта ғәмәлдә теркәлгән кешеләр өсөн генә түләргә кәрәк.
Хаталар түләү квитанцияларында торлаҡта теркәлгән кешеләрҙең ғәмәлдәгенән күберәк күрһәтелгән булыуына ҡағыла. Шулай уҡ, әйтәйек, ғинуарҙа түләгәнде февраль квитанцияһында бурыс итеп күрһәтелеүе тураһында ялыуҙар бар.
– Бындай хәл, әгәр түләнгән аҡса беҙҙең иҫәпкә айҙың аҙаҡҡы көнөнән һуң күсһә генә булыуы мөмкин, – тип аңлата “Эко-Сити” ТО ЯСЙ-һының генераль директоры Семён Земсков. – Мәҫәлән, әгәр һеҙ февралдә сүп-сар сығарған өсөн 31 мартҡа ҡәҙәр түләһәгеҙ, был аҡса иҫәпкә алынасаҡ һәм киләһе квитанцияла фәҡәт бер айҙың – марттың ғына суммаһы күрһәтеләсәк. Әгәр аҡса беҙҙең иҫәпкә 31 марттан һуң күсһә, апрель квитанцияһына ике сумма ҡуйыласаҡ. Әммә һеҙгә фәҡәт март өсөн генә түләргә кәрәк буласаҡ.
Әгәр торлаҡ милексеһе унда йәшәүселәр тураһында мәғлүмәттәргә төҙәтмә индереүҙе һорап, төбәк операторына ошоғаса мөрәжәғәт итмәгән булһа, үҙенең паспортын, ғаилә составы йәки ваҡытлыса теркәлгән кешеләр тураһында белешмәне фотоға төшөрөп йәки сканер аша үткәреп, ошо электрон почтаға ебәрергә кәрәк: abonent-fl@roecocity.ru. Хатығыҙҙа адресығыҙҙы, исем-шәрифтәрегеҙҙе, квитанцияла нимәләрҙе үҙгәртергә кәрәклеген күрһәтергә кәрәк. Документтарҙы шулай уҡ Баш-
электросбыт офистарында ла ҡабул итәләр. Әгәр электрон почтанан файҙаланыу мөмкинлеге булмаһа, әлеге документтарҙың күсермәләрен конверт менән ҡәҙимге почта аша ошо адресҡа ебәрегеҙ: 453124, г. Стерлитамак, ул. Мира, д. 18, каб. 4-6.
Шулай уҡ һеҙҙең адресҡа “Обращение с ТКО” тигән графа менән ике йәки өс квитанция килеүе тураһында ла хәбәр итегеҙ. Бының өсөн түбәндәге “ҡыҙыу линия” телефондарының береһенә шылтыратыу ҙа етә: (8-3472) 980-490; 8-965-93-94-900 (көн һайын иртәнге сәғәт 8-ҙән киске 8-гә тиклем эшләй). Ә түләүгә килгәндә, квитанцияларҙы береһе бу-йынса ғына түләгеҙ.
Хәтерегеҙгә төшөрәбеҙ: РФ Торлаҡ кодексына ярашлы, граждандар торлаҡ бина һәм коммуналь хеҙмәттәр өсөн ваҡытында һәм тулыһынса түләп барырға бурыслы. Ә ҡаты коммуналь ҡалдыҡтар менән эш итеү нәҡ шундай хеҙмәттәргә инә.
Олеся АРАМЕЛЕВА,
“Эко-Сити” ТО-һының матбуғат секретары.