Изге ғәмә л башҡарылды
Совет осоронан ҡалған матур йола бөгөн дә ғәмәлдә – йылайырҙар һәм тотош район халҡы бөгөн дә шәмбе өмәләренә сыҡты. Ғәҙәттәгесә, субботникта бөтә ойошма-предприятие хеҙмәткәрҙәре, мәктәп уҡыусылары, ябай халыҡ әүҙем ҡатнашты, эшкә тиҫтәләгән берәмек техника йәлеп ителде. Район китапханаһы коллективы, мәҫәлән, Пасха байрамы алдынан Йылайырҙағы Спас-Преображен храмы майҙанын йыйыштырҙы. Шулай итеп, христиандарҙың төп дини байрамы алдынан изге ғәмәл башҡарылды.