Ауыл уттары
+20 °С
Болотло
Бөтә яңылыҡтар
Экология
11 Февраль 2020, 17:15

Быйылғы йәй нисек килер?

Ҡыштың һуңғы айының яртыһы ла үтеп бара. Сатлама һыуыҡтары менән бер генә көн ҡыуандырҙы быйылғы уҫал миҙгел. Ҡыуандырҙы тибеҙ, сөнки, билдәле булыуынса, түбән температура грипп вирусын үлтерә. Уның ҡарауы, февраль баштарында хатта ямғыр һибәләне, Өфө урамдары буйлап гөрләүектәр йүгерҙе.

Йәй ҡышҡа ҡарап килә, тигән ырым бар халыҡта. Шуға ла күптәр йәй нисек килер тип борсола. Халыҡ-ара тикшереү үҙәге хәбәр итеүенсә, быйыл Рәсәйҙә һауа торошоноң йылыныуы ике тапҡыр тиҙерәк киләсәк. Ошонан сығып, быйыл йәй шаҡтай эҫе буласаҡ, тип фаразлай белгестәр.Иң тәүҙә Рәсәйҙең үҙәк төбәктәрендә йылытасаҡ. Сәбәбе шунда: быйылғы ҡышта Тверь, Брянск, Смоленск өлкәләрендә яуым-төшөм бик аҙ булған икән. Шуға бәйле унда ер ҡатламында дым да аҙ көтөлә. Был төбәктәрҙә мартта уҡ апрелдәге кеүек йылы көндәр торасаҡ.
Читайте нас: