Августың икенсе яртыһы ямғырһыҙ булырмы?

Гисметео порталы хәбәр итеүенсә, август айының икенсе декадаһы, 11-нән 20-нә тиклем, ямғырлы һәм һалҡын була. Көндөҙ уртаса температура +16,+18 градус тәшкил итәсәк. Көслө ямғырҙар һәм көслө ел булыуы ихтимал. Әммә август аҙағында барыбер йылыта. Айҙың өсөнсө декадаһында термометр бағанаһы көндөҙ +25 градусҡа тиклем күрһәтәсәк. Ямғырҙар туҡтаясаҡ, ҡояшлы буласаҡ.

Сентябрь башында ла йылы буласаҡ. Һауа температураһы +21+23 градусҡа тиклем етәсәк. Дөйөм алғанда, росгидрометтың фаразына ярашлы, сентябрҙә һауа температураһы нормаға яҡын, ә яуым-төшөм ғәҙәти күләмдә була.

Г.Таһирова фотоһы.