Ауыл уттары
+26 °С
Болотло
Бөтә яңылыҡтар
Иҡтисад
17 Декабрь 2019, 13:40

Хеҙмәт хаҡы арта

Әлеге ваҡытта республикала МРОТ күләме - 12 972 һум. Ә бына 2020 йылдың 1 ғинуарынан Башҡортостанда минималь хеҙмәт хаҡының күләме, район коэффициентын иҫәпкә алып, 13 949,5 һум тәшкил итәсәк. Шулай итеп, минималь хеҙмәт хаҡы 977 һумға артасаҡ. Был хаҡта БР Ғаилә, хеҙмәт һәм халыҡты социаль яҡлау министрлығы хәбәр итә.

Яңылыҡ 3,2 миллион кешегә ҡағыласаҡ, тип хәбәр итә “Башҡортостан” гәзите. Уларҙың яртыһы дәүләт һәм муниципаль учреждениеларҙа эшләй. Документты ғәмәлгә ашырыр өсөн бюджет системаһының сығымдары 20,9 миллиард һумға баҫасаҡ тип планлаштырыла, был сумманың 5,8 миллиарды – федераль бюджеттан.

Хеҙмәт кодексына ярашлы, эш биреүсенең тулы бер ай эшләгән хеҙмәткәргә МРОТ күләменән кәм булған хеҙмәт хаҡы түләргә хоҡуғы юҡ.
Читайте нас: