Республиканың мәғариф министры районда эш сәфәре менән булды

Көн ағымында министр Кананикольск һәм Иван-Ҡыуалат урта мәктәптәрендә булды, мәктәп коллективтары менән осрашып, белем биреү эшмәкәрлегендәге төп йүнәлештәр, дисциплиналар буйынса методик йүнәлештәргә педагогтарҙың ҡарашы хаҡында әңгәмә ҡорҙо.
Шулай уҡ Гөлназ Радмил ҡыҙы мәктәптәрҙең уҡыу клас-тарын, спорт залдарын һәм мәктәп яны участкаһындағы ҡаралтыларҙы ҡараны. Иван-Ҡыуалат урта мәктәбенең капиталь ремонттан һуң яңы сафҡа ингән спорт залы министр тарафынан айырым иғтибарға лайыҡ булды.
Шуны ла билдәләргә кәрәк, был ауыл мәктәбенең спорт залы, “Берҙәм Рәсәй” партияһының ауыл мәктәптәренең спорт залдарын яңыртыу “Балалар спорты” программаһы тарафынан тормошҡа ашырылды. Бынан тыш, ремонт эштәрен башҡарыуҙың электрон аукционы аша экономияланған аҡсаға, мәктәп яңы спорт инвентарҙары алыуға өлгәште.
Мәктәп коллективтары менән осрашыу һуңында, республиканың мәғариф министры район халҡын яңы 2018 йыл менән ҡотланы һәм ныҡлы һаулыҡ, эштәрендә уңыштар юлдаш булыуын теләне.