Хәүефһеҙ һәм заманса мәғариф мөхите булдырыу

Үткән аҙна районыбыҙ өсөн мөһим сараларға бай булыуы менән иҫтә ҡалды. Шундай сараларҙың береһе – уҡытыусыларҙың август кәңәшмәһе. Педагогтар форумы, ғәҙәттә, август аҙағында үтә. Унда үткән уҡыу йылына йомғаҡ яһала, яңы уҡыу йылына пландар ҡорола. Быйылғы мәғариф буйынса кәңәшмә эшендә Башҡортостан Республикаһының мәғариф министры урынбаҫары Г.Р.Әхмәтшина, район хакимиәте башлығы И.Л.Фәтҡуллин, район Советы рәйесе Г.В.Туленков, район Советы депутаттары, ауыл биләмәләре башлыҡтары, белем биреү учреждениелары директорҙары, педагогтары, хеҙмәткәрҙәре, ата-әсәләр ҡатнашты.