+13 °С
Болотло
Бөтә яңылыҡтар
Мәғариф
27 Май 2019, 19:23
Беҙҙең районда диктантты нисек яҙғандар
Башҡорт теленән диктантты бөтәһе 70 меңгә яҡын кеше яҙған. Иҫегеҙгә төшөрәбеҙ, был акция быйыл халыҡ-ара кимәлдә үткәрелде. Диктантты Башҡортостан халҡы ғына түгел, Рәсәйҙең төрлө төбәктәрендә һәм сит илдәрҙә йәшәгән милләттәштәребеҙ ҙә яҙҙы. Диктан яҙыусылар башҡорт телен өйрәнеүселәр һәм иркен аралашыусылар төркөмдәренә бүленде. 19 меңгә яҡын кеше "5-ле" баһаһын алған, 27 мең кешегә – "4-ле", ҡалғандарына "3-лө" ҡуйылған.
Башҡорт теленән халыҡ-ара диктант” белем биреү акцияһына беҙҙең район да ихлас ҡушылды. Мәктәп биналарында урынлашҡан майҙансыҡтарҙың махсус бүленгән залдары халыҡ менән шығырым тулы булды. Был үҙе үк милләттәштәребеҙҙең кәйефен күтәрҙе, рухи күтәренкелек бирҙе. Телебеҙҙе ихтирам иткән һәр кеше өсөн был көн, ысынлап та, матур байрамға әүерелде.
Башҡорт дәүләт университеты нигеҙ һалған был сара быйыл 5-се тапҡырға ойошторолоп, республикабыҙ башлығы вазифаһын башҡарыусы Радий Хәбировтың ҡарары менән халыҡ-ара кимәлгә күтәрелде. Матбуғаттан белеүебеҙсә, Радий Фәрит улы үҙе лә акцияға ҡушылған һәм БДУ-ла ойошторолған майҙансыҡта диктант яҙған.
Йылайыр районында был акцияла 507 кеше ҡатнашты. Шуларҙың 157-һе – уҡыусылар. Диктант яҙыусыларҙың үҙ телен һөйөп кенә ҡалмай, уны яҡшы белеүҙәре лә һөйөндөрҙө комиссия ағзаларын – 251 кеше диктантты “бишле”гә яҙған. “4” билдәһен – 192, ә “3” билдәһен 64 кеше алған. Башҡорт телен өйрәнеүселәр төркөмөндә 32 кеше диктант яҙған.
Яҙма эште кем нисәгә яҙғанын ошо һылтанма буйынса инеп ҡарай ала:
http://bashkdictant.ru/результаты/
Гөлгөнә ТАҺИРОВА.
Читайте нас:
© 2015-2024
Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01424 от 26 августа 2015 г.
Телефон
(347) 522-14-32
Электрон почта
Адресы
453680, Республика Башкортостан, Зилаирский район, с. Зилаир, ул. Ленина,64 А
Реклама хеҙмәте
(347) 522-14-86
Ҡабул итеү бүлмәһе
(347) 522-14-86
Кадрҙар бүлеге
(347) 522-13-61