Башҡортостанда «Аҫылташ» йәштәр форумы башланды!

Форум «Берҙәмлек» проекты сиктәрендә Йылайыр районында уҙғарыла. Өс көн барышында республиканың 500 иң әүҙем йәштәре яңы үрҙәргә ынтыласаҡ, үҙ таланттарын тормошҡа ашырасаҡ.

Ҡатнашыусыларҙы бай белем биреү программаһы, берләшеү өсөн уйындар, билдәле артистарҙың сығышы көтә. Белем биреү бүлектәренән һуң ҡатнашыусылар уйындар, ижади оҫталыҡ дәрестәре аша башҡорт халҡының тарихын, мәҙәниәтен һәм йолаларын өйрәнәсәк.

Шулай уҡ ҡатнашыусылар «Росмолодежь.Гранты» сиктәрендә үткәрелгән конкурста үҙ проекттарына бер миллион һумға тиклем финанслау ала ала.

«Хозур тәбиғәтле Йылайыр районының йәш яҡташтар берлектәренең, Башҡортостандан сыҡҡан студенттарҙы һәм йәштәр ойошмалары етәкселәренең берләшеүе бик ҡыуаныслы» – тип фекер уртаҡлашты Башҡортостан Республикаһының Йәштәр сәйәсәте буйынса дәүләт комитеты рәйесе Вито Сабиров.

«Беҙ шатбыҙ яңы белемдәр, мөмкинлектәр, дуҫтар табырға килгән йәштәрҙе ҡаршы алырға. Үҙебеҙ ҙә уларға ҡарап илһамланабыҙ» – тип әйтте Йылайыр районы хакимиәте башлығы Борис Мелкоедов.

"Аҫылташ-2024" форумының ойоштороусылары: Башҡортостан Республикаһының Йәштәр сәйәсәте буйынса дәүләт комитеты, Башҡортостан Республикаһының йәш яҡташтар берлеге, Йылайыр районы хакимиәте, Башҡорт телен һаҡлау һәм үҫтереү ойошмаһы, Башҡортостандың студенттар һәм аспиранттар ассоциацияһы, Бөтә донъя башҡорттары ҡоролтайы.
Форум Башҡортостан Республикаһының Башлығы гранттары фонды грантына тормошҡа ашырыла.

Сығанаҡ: "Башҡортостан" гәзите.