Милли проект оло ҡорға йыйҙы

Кисә “Торатау” Конгресс-холында “Хеҙмәт етештереүсәнлеге һәм мәшғүллеккә булышлыҡ” милли проектына ярашлы хакатон-форум үтте.

Хакатон – “Етештереүсәнлек лидерҙары” белем биреү программаһының уникаль федераль башланғысы. Ул сеймал булмаған тармаҡ предприятиелары топ-менеджерҙарына иҫәпләнгән. Биш-һигеҙ кешенен торған командаларға берләшеп, белгестәр үҙ предприятиеларында хеҙмәт етештереүсәнлеген арттырыуға йүнәлтелгән ҡарарҙар әҙерләй. Артабан төбәк һәм федераль ҡарарҙар банкы булдырыласаҡ.

Хакатонда милли проектҡа килешеү төҙөп ингән предприятиелар ҡатнаша алды. Мәғлүм булыуынса, республикала уларҙың һаны – 48.

“Хеҙмәт етештереүсәнлеге һәм мәшғүллеккә булышлыҡ” милли проекты өс федераль проекттан тора: “Хеҙмәт етештереүсәнлеген арттырыу буйынса системалы саралар”, “Предприятиеларҙа хеҙмәт етештереүсәнлеген арттырыуға адреслы ярҙам”, “Хеҙмәт етештереүсәнлеге үҫешен тәьмин итеү өсөн мәшғүллеккә булышлыҡ ҡылыу һәм хеҙмәт баҙары һөҙөмтәлелеген арттырыу”.

Фото: pravitelstvorb.ru