“Бөгөнгө һөйләшеү – уңайлы мөхит булдырыу тураһында...”

Республика етәксеһе унда ҙур инфраструктура проекттарына йомғаҡ яһаны һәм муниципалитеттар, “Берҙәм Рәсәй” партияһының төбәк бүлексәһе алдында ошо йүнәлештә торған бурыстарҙы билдәләне.

– Беҙ ауыр, ләкин мауыҡтырғыс эште башлап ҡына торабыҙ. Сөнки быға тиклем ауыл һәм ҡалаларҙың йөҙөн ҡырҡа үҙгәртәсәкбеҙ, тип һөйләштек. Һис шикһеҙ, етәкселәр һәм муниципалитет башлыҡтары булараҡ, көндәлек эшебеҙҙә төрлө мәсьәләләрҙе хәл итәбеҙ, ә бөгөнгө һөйләшеү – уңайлы мөхит булдырыу тураһында, – тине Радий Фәрит улы.

Республика етәксеһе әйтеүенсә, Башҡортостанда “Башҡорт ихаталары” программаһы, подъездарҙы ремонтлау, “Ҡалала уңайлы мөхит тыуҙырыу” федераль проекты буйынса әүҙем эш бара. Уларға аҡса бүленгән, хәҙер ҙур күләмдәге эш башҡарырға ҡалды.

Билдәле булыуынса, Рәсәй Президенты Владимир Путин “Дөйөм Рәсәй халыҡ фронты” вәкилдәре менән осрашыуында “Торлаҡ һәм ҡала мөхите” милли проектын ил өсөн үтә мөһим йүнәлеш тип атағайны, сөнки "ул халыҡтың кәйефенә генә ыңғай йоғонто яһап ҡалмай, ә шуның аша иҡтисад үҫешен тиҙләтергә лә һәләтле".

Фото: glavarb.ru.