Бөтә яңылыҡтар
Милли проект
6 Декабрь 2019, 18:10

Үҫеш өсөн бар шарттар булдырыла

“Мәғариф” милли проекты социаль өлкәнең күп йүнәлештәрен үҙ эсенә ала. Билдәле булыуынса, был проектты тормошҡа ашырыуға 747 миллиард һумдан ашыу аҡса бүлеү ҡаралған. Быйыл был сумманың 116 миллиард һумын тотоноу планлаштырылһа, киләһе йылға – 132 миллиард һум тотоноласаҡ.

Беҙҙең республикала ла “Мәғариф” милли проектын ғәмәлгә ашырыу йылдам үҫеш ала. Белем биреү системаһына ҡағылышлы бурыстарҙың иң мөһимдәренең береһе – 2025 йылға тиклем балаларҙы тулыһынса бер сменала уҡытыуға күсереү.
Милли проект, йәш быуынға сифатлы белем биреү менән бер рәттән, балаларыбыҙҙы һәр яҡлап үҫешкән шәхес итеп тәрбиәләүгә лә яңы юлдар аса. Мәҫәлән, Рәсәй Мәғариф министрлығы тарафынан 2020 – 2022 йылдарҙа проект сараларын тормошҡа ашырыу өсөн бүленгән гранттар иҫәбенә Башҡортостанда һанлы һәм гуманитар йүнәлешле 133 “Үҫеш нөктәһе”, туғыҙ “IT-куб” белем биреү, һөнәри әҙерлек, педагогик хеҙмәткәрҙәрҙең һөнәри оҫталығын өҙлөкһөҙ камиллаштырыу, педагогтарҙың квалифика­цияһын, һөнәри оҫталығын баһалау үҙәктәре, өс “Кванториум” мобиль технопаркы булдырылды һәм булдырыласаҡ.