Бөтә яңылыҡтар
Милли проект
15 Декабрь 2019, 10:30

“Һаулыҡ һаҡлау” милли проекты ыңғай һөҙөмтә бирә

Республика башлығы Радий Хәбиров, 10 декабрҙә Башҡортостан Республикаһы Дәүләт Йыйылышына Мөрәжәғәтнамәһендә һаулыҡ һаҡлау мәсьәләһенә ҡағылып, был өлкәләге эштәргә ыңғай баһа бирҙе. Мәҫәлән, быйыл ҡан әйләнеше сирҙәренән, шулай уҡ йөрәк өйәнәгенән һәм яман шештән үлем осраҡтары кәмегән.

Һаулыҡ һаҡлау системаһында ҡыҫҡа ваҡытта 660 хеҙмәткәр яңы эш башлаған, табипҡа яҙылыу ябайлаштырылған. Яман шеш ауырыуын алдан билдәләгән өсөн табиптарға өҫтәп аҡса түләү үҙен аҡлай – йыл башынан 3 мең шундай осраҡ асыҡланған. Дарыуҙар менән тәьмин итеүгә ике тапҡырға күберәк аҡса тотонолған. Федераль ҡаҙнанан өҫтәмә рәүештә 1 млрд. һум аҡса алыуға өлгәшкәндәр. Ауылдарҙа фельдшер-акушер пункттары асыла, “Ауыл фельдшеры” программаһы эшләй.
“Был өлкәлә бар мәсьәләләр ҙә хәл ителдеме? Әлбиттә, юҡ. Әммә шу билдәләргә кәрәк: аталғандарға ҡағылышлы халыҡтың мөрәжәғәте ҡырҡа кәмене. Тимәк, беҙ дөрөҫ юлдан барабыҙ”, – тине Радий Фәрит улы.
#национальныепроекты#нацпроекты#региональныепроекты#регпроекты#нацпроектыБашкортостан