Бөтә яңылыҡтар
Милли проект
21 Декабрь 2019, 11:05

“Урмандарҙы һаҡлау” федераль проекты бойомға ашыра башланы

Рәсәй Урман хужалығы федераль агентлығы “Экология” милли проектына ярашлы быйылдан “Урмандарҙы һаҡлау” федераль проектын бойомға ашыра башланы.

Ағасты ҡырҡыу һәм уны тулыһынса кире тергеҙеп барыуҙы күҙ уңында тотҡан был федераль проектта Башҡортостан Урман хужалығы министрлығы ла әүҙем ҡатнаша. "Урмандарҙы һаҡлау" федераль проекты буйынса 151 миллиард һумдан ашыу аҡса бүлеү ҡаралған, уның 38,74 миллиард һумы бюджет-ара трансферт.
– Республиканың һәм илдең урман йәмәғәтселеге 20-25 йыл дауамында бындай аҡсаны күргәне булманы. 80 миллион һум самаһы урмандарҙы тергеҙеүгә һәм хужалыҡ техникаһы алыуға тотоноласаҡ. Әле урман хужалыҡтары өсөн 37 берәмек техника, 37 ҡорамал алынды, йәғни үҫентеләрҙе ҡарау өсөн культиваторҙар, ағасты механизация ысулы менән ултыртыу өсөн машиналар, һуҡалар. Янғын һүндереү техникаһы ла 12 берәмеккә артты. Былар барыһы ла ҡуйылған маҡсатҡа өлгәшеү өсөн ҙур ярҙам сығанағы булып тора. 2024 йылға урманды тергеҙеү буйынса күрһәткестәрҙе 100 процентҡа еткерергә тейешбеҙ, – тип белдерҙе журналистар менән осрашыуҙа Башҡортостандың урман хужалығы министры Марат Шәрәфетдинов.