Бөтә яңылыҡтар
Милли проект
2 Ғинуар 2020, 12:00

Иртәгә “Яңы йыл ғаилә уйындары – 2020” фестивале уҙасаҡ

3 ғинуар көнө сәғәт 10.00-дә райондың белем биреү учреждениеларында “Яңы йыл ғаилә уйындары – 2020” республика фестиваленең беренсе этабы үтә.

Башҡортостан башлығы, партияның төбәк бүлексәһе секретары Радий Хәбиров әйтеүенсә, был – һәйбәт акция, уға күберәк ҡатнашыусыларҙы йәлеп итергә кәрәк, иң мөһиме, улар мәжбүри булмаһын.
«Ярыштарҙың программаһына мотлаҡ саңғыла шыуыуҙы индерергә кәрәк, был спорт төрө менән уҡыусылар ҙа, өлкәндәр ҙә ихлас шөғөлләнә. Яңы йыл ғаилә уйындары – реаль эш, уны яҡшы ойошторорға һәм үткәрергә кәрәк. Был һәйбәт тәҡдим: мул табындан һуң йыйылып, спорт менән шөғөлләнергә, ваҡытты файҙалы үткәрергә», — тине Радий Хәбиров.
Фестиваль «Сәләмәт быуын – көслө төбәк» милли проекты сиктәрендә уҙғарыла.
Беренсе этап һөҙөмтәләре асыҡлаған иң көслө ғаилә 18 ғинуар Өфө ҡалаһында уҙасаҡ финал ярыштарҙа ҡатнашыу хоҡуғына эйә була.