Дәүләтебеҙҙең мөмкинлектәре сикләнгән граждандарҙы хәстәрләүе йәмғиәттең өлгөрөп еткәнлеген, дәүләт үҫешенең юғары кимәлен күрһәтә. Был йәһәттән “Һаулыҡ һаҡлау” һәм “Демография” милли проекттары ла граждандар тураһында даими хәстәрлек күреүҙең мөмкинлектәрен киңәйтә. Әйткәндәй, милли проекттарҙы тормошҡа ашыра башлау алдынан Рәсәй Президенты Владимир Путин инвалидтарҙың хоҡуҡтарын һаҡлауға һәм мөмкинлектәрен хәстәрләүгә, һаулығын нығытыуға айырыуса иғтибар биреүҙе талап иткәйне.