Бөтә яңылыҡтар
Милли проект
15 Ғинуар 2020, 18:29

Белорет үҙәк район дауаханаһында төбәк ҡан тамырҙары үҙәге асылды

Белорет үҙәк район дауаханаһында төбәк ҡан тамырҙары үҙәге асылды. Ул “Һаулыҡ һаҡлау” милли проектының “Йөрәк-ҡан тамырҙары ауырыуҙарына ҡаршы көрәш” төбәк программаһы буйынса барлыҡҡа килде.

Хәҙер республиканың алыҫ урынлашҡан райондарының халҡы ошонда юғары квалификациалы медицина ярҙамы аласаҡ.
Бында йылына 600-гә яҡын дауалау һәм диагностика процедураһы үткәреү күҙаллана. Үҙәктә “Һаулыҡ һаҡлау” милли проекты сиктәрендә алынған яңы ангиографик комплекста өс операция яһалды ла инде.