Бөтә яңылыҡтар
Милли проект
27 Ғинуар 2020, 18:20

Сибайҙың виртуаль концерт залы буласаҡ

“Мәҙәниәт” милли проектының “Һанлы мәҙәниәт” төбәк проекты сиктәрендә Башҡортостанда 2024 йылға тиклем алты виртуаль концерт залы барлыҡҡа киләсәк.

Рәсәйҙең Мәҙәниәт министрлығы ойошторған конкурста уңышлы ҡатнашҡандарға аҡса бүленә. Был сумма объекттарҙы юғары тиҙлекле интернетҡа тоташтырыуға, техник һәм технологик ҡорамалдар алыуға тотонола. Былар иһә учреждениела даими трансляция ойошторорға булышлыҡ итәсәк.
2020 йылда Рәсәй Мәҙәниәт министрлығы уҙғарған конкурста Башҡортостандан ике еңеүсе билдәләнгән. Улар — Ишембай районындағы һәм Сибай ҡалаһындағы балалар сәнғәт мәктәптәре.
Виртуаль концерт залы булдырыу өсөн проекторҙар, экрандар, ноутбуктар, акустика системаһы, сәхнә конструкциялары, монтаж һәм башҡа материалдар алынасаҡ.
Фото: zen.yandex.ru