Өфөнөң Инорс биҫтәһендә бассейн асылды

Республика Хөкүмәте Премьер-министрының беренсе урынбаҫары Андрей Назаровтың хәбәр итеүенсә, киләһе өс-дүрт йылда Башҡортостан Башлығы Радий Хәбиров ҡушыуы буйынса тағы 16 бассейн төҙөү планлаштырыла.
– Республикала йәшәүселәр спорт менән шөғөлләнһен өсөн барыһын да эшләйәсәкбеҙ. Уникаль спорт һарайҙары һәм башҡа объекттар төҙөйәсәкбеҙ. Улар Башҡортостанда йәшәүселәргә Олимпия чемпиондары булырға, спортта лидерға әйләнергә, төбәгебеҙҙең абруйын күтәрергә мөмкинлек бирәсәк, – тине беренсе вице-премьер.
Объекттың майҙаны – 3000 квадрат метр. Бассейн заманса таҙартыу ҡоролмалары, душ бүлмәләре һәм башҡалар менән тәьмин ителгән. Ул уҡыу-күнекмәләр дәрестәре, балаларҙы йөҙөргә өйрәтеү һәм төбәк кимәлендәге ярыштарҙы үткәреү өсөн тәғәйенләнгән.
Был башланғыс ике ҙур проект һөҙөмтәһендә тормошҡа ашырыла. Тәүгеһе Рәсәй Президенты Владимир Путин раҫлаған “Демография” милли проекты булһа, икенсеһе – “Спорт – йәшәү нормаһы” төбәк проекты. Һөҙөмтәлә республикала 2024 йылға тиклем ҡалаларҙы һәм райондарҙы бассейндар менән тәьмин итеү планлаштырыла. Бөгөн ошо эштең тәүге һөҙөмтәһе булараҡ Өфөнөң Калинин районына ҡараған бассейн асылды ла инде.

#ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан
Фото: республика Хөкүмәте матбуғат хеҙмәте.