Ауыл уттары
+9 °С
Болотло
Бөтә яңылыҡтар
Милли проект
10 Март 2020, 12:54

Милли проекттар

Балалар дауаханалары заманса ҡорамалдар алды

“Һаулыҡ һаҡлау” милли проектына ярашлы, республика дауаханаларына “Аксион” тип аталған биш заманса дефибриллятор алынған. Уларҙың дүртәүһе Өфө ҡалаһындағы 3-сө балалар поликлиникаһына, берәүһе Стәрлетамаҡ ҡалаһының балалар дауаханаһына тапшырылған.
Республиканың Һаулыҡ һаҡлау министрлығының матбуғат хеҙмәте хәбәр итеүенсә, әлеге ваҡытта табиптарға яңы аппаратта эшләү буйынса күнекмәләр үткәрелә.
“Аксион” дефибрилляторы үҙаллы автоматик тикшереү, приборҙың эш барышын һәм операторҙың эшмәкәрлеген тауыш ярҙамында әйтеп барыу мөмкинлегенә эйә. Белгестәр уның бынан тыш та бихисап ыңғай яҡтарын, заманса мөмкинлектәрен билдәләй.
Ғөмүмән, ил Президенты Владимир Путиндың май указдары тарафынан билдәләнгән “Һаулыҡ һаҡлау” милли проекты медицина учреждениеларының тейешле ҡорамалдар менән тәьмин ителешен яҡшыртыуға хәтһеҙ өлөш индерә.
ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан
Фото: Башҡортостандың Һаулыҡ һаҡлау министрлығының матбуғат хеҙмәте.
https://bash.rbsmi.ru/articles/milli-proekttar/Balalar-dauahanalari-zamansa-oramaldar-aldi-156040/
Автор: Гөлдәр Яҡшығолова
Читайте нас: