Һыуыҡҡа бирешмәгән асфальт уйлап табылды

Оҙаҡламай Өфөгә 24, 3 мең тонна бөртөклө һәм 1,5 тонна ҡойоп эшләнгән асфальт ҡайтартасаҡтар. Бөртөклө асфальтты юлдағы соҡорға ҡоро һәм йылы һауа шарттарында ғына һалып булһа, ҡойоп эшләнгәнен ҡыш та ҡулланырға мөмкин. Һуңғыһы менән температура 10 градусҡа саҡлы һыуығайғанда ла соҡор ямарға форсат була, уның составындағы битум ғәҙәти асфальтҡа ҡарағанда ун тапҡырға күберәк. Соҡорға һалыр алдынан был ҡушылманы махсус термос-бункерҙа йылыталар. Өфөлә юлдағы соҡорҙарҙы ямау 15 февралдә башланғайны. Бөгөнгә 4,7 мең квадрат метр майҙанға 770 тонанан ашыу асфальт һалынған да инде. Юл түшәүҙә бөртөклө асфальт ҡулланылһа, соҡорҙарҙы ҡойоп эшләнгәне менән тултыралар.
https://bash.rbsmi.ru/articles/milli-proekttar/iui-a-bireshm-g-n-asfalt-uylap-tabildi-155706/
Фото: Өфө ҡала хакимиәте сайтынан.
Автор: Рәшит Кәлимуллин