Республика табип – физкультура диспансеры өс аппарат алды

Ҡорамал тәндең зарарланған өлөшөн махсус рәүештә хәрәкәтһеҙ хәлгә килтергәндән һуң (иммобилизация) өҙлөгөүҙәрҙе иҫкәртеү, имгәнеүҙәрҙе, һынған урындарҙы, быуындарҙы дауалау өсөн файҙаланыла. Операциянан һуңғы осорҙа аппарат быуындарҙың хәрәкәтсәнлеген ҡайтарыуға, ауыртыныуһыҙ дауаланыуға һәм пациенттың ғәҙәттәге тормошҡа ҡайтыуына булышлыҡ итә. Быйыл реабилитация бүлексәләрен йыһазландырыу өсөн 149 медицина ҡорамалы алынды. Был маҡсатҡа республика бюджетынан 35,6 миллион һум аҡса йүнәлтелде.

Рәсәй Президенты Владимир Путиндың “май” указдарына ярашлы, 2024 йылға медицина учреждениеларын заманса ҡорамалдар менән йыһазландырыу, хеҙмәткә һәләтле йәштәгеләр араһында үлем күрһәткестәрен кәметеү, тәүге медицина хеҙмәтенән һәр кемдең файҙалана алыу мөмкинлеген арттырыу бурысы ҡуйылды. “Берҙәм һанлы контур” киләһе йылдарҙа дәүләт һаулыҡ һаҡлау тармағына йүнәлеш бирәсәк һәм мәғлүмәтләштереүҙең трендтарын формалаштырасаҡ. Медицина ойошмалары араһында бәйләнеш көсәйтеләсәк, граждандарҙың электрон хеҙмәттәренән һәм сервистарынан файҙаланыуы өсөн шарттар тыуасаҡ.

Сығанаҡ: "Мораҙым" гәзите.