Экспортҡа ярҙам мәсьәләләре ҡаралды

Сарала республика ҡала һәм райондарынан 20-нән ашыу бизнес-шәриф ҡатнашҡан. Улар төбәктең тышҡы иҡтисади бәйләнештәрен үҫтереүҙең көнүҙәк мәсьәләләрен, экспортҡа дәүләт ярҙамының ғәмәлдәге сараларын, административ һәм сауҙа сикләүҙәрен, шулай уҡ үҙебеҙҙең етештереүселәрҙең продукцияһын тышҡы баҙарҙарға сығарыу буйынса ҡарарҙар буйынса фекер алышҡан.

Башҡортостан тышҡы иҡтисади бәйләнештәр һәм конгресс эшмәкәрлеге министрының беренсе урынбаҫары Лена Изотова министрлыҡ тарафынан күрһәтелгән ярҙам тураһында һөйләгән. Башҡортостан Республикаһының экспортҡа булышлыҡ итеү үҙәге эшмәкәрлеге тураһында Рита Аҡсурина сығыш яһаған.

Рәсәй Президенты Владимир Путиндың май указы менән раҫланған “Халыҡ-ара кооперация һәм экспорт” милли проектына (национальный проект “Международная кооперация и экспорт”) ярашлы, Экспортҡа булышлыҡ итеү үҙәге төбәк предприятиеларына хеҙмәт күрһәтә, уларға сит ил баҙарына сығырға булышлыҡ итә. Үҙәк ярҙамында компания үҙ тауарын электрон сауҙа майҙансыҡтарында урынлаштыра, сит илдәргә бизнес-миссияларҙа һәм күргәҙмәләрҙә ҡатнаша, экспорт эшмәкәрлеге нигеҙҙәрен үҙләштерә ала.

Фото: salavat.bashkortostan.ru

Сығанаҡ: https://contenta.info/press_releases/425828#scroll