Республикала 20 миллион ағас үҫентеһе ултыртыласаҡ

Быйыл яҙ Башҡортостанда биш мең гектарҙан ашыу майҙанда 20 миллион самаһы ағас ултыртыласаҡ, тип хәбәр итә БР Хөкүмәтенең матбуғат хеҙмәте. Урманды тергеҙеү эштәре “Экология” милли проекты сиктәрендә (национальный проект “Экология”) үткәрелә.

“Ағымдағы йылға 15,2 мең гектар майҙанда урман тергеҙеү эштәрен башҡарыу буйынса план билдәләнде, — тип билдәләне Башҡортостандың урман хужалығы министры Марат Шәрәфетдинов. – Федераль проект күрһәткестәренә өлгәшеүҙе тәьмин итеү маҡсатында бөтә урман-культура эштәре ағымдағы йылдың көҙөндә тамамланасаҡ”.

Республиканың Урман хужалығы министрлығында аңлатыуҙарынса, әлеге ваҡытта төбәктә урман тергеҙеү һәм урман үҫтереү 2,5 мең гектарҙан ашыу майҙанда башҡарылған. Шул иҫәптән яһалма урман тергеҙеү – 2,3 мең гектар, был план күрһәткестәренең 40 процентын тәшкил итә, шулай уҡ 255,8 гектар майҙанда урман үҫтереү – 82,5 процент.

Учалы, Әүжән, Асҡын, Бөрө, Бөрйән, Дүртөйлө, Кананикольск, Ҡариҙел урмансылыҡтары урмандарҙы тергеҙеү буйынса дәүләт заданиеһы сиктәрендә башҡарылған ултыртыу күләмдәре буйынса алдынғылыҡты биләй.

Билдәле булыуынса, “Экология” милли проекты (национальный проект “Экология”) Рәсәй Президенты Владимир Путиндың май указы менән булдырылды.

Фото: https://vk.com/zilairskij