Ғ.Ҡыуатов исемендәге республика клиник дауаханаһына яңы ангиограф алынды

Ангиография рентгенографик тикшереүҙең бер төрө, тамырҙар функционаллеген  баһалауға  һәм ҡан әйләнеше тиҙлеген үлсәүгә йүнәлтелгән. Уның ярҙамында белгестәр йөрәк-ҡан тамырҙары системаһындағы зарарланған участкаларҙы һәм патологик тарайған урындарҙы ваҡытында асыҡлай. Ул шулай уҡ операциялар үткәргәндә, миокард инфарктын дауалағанда ҡулланыла, үлем кимәлен кәметә, инвалидлыҡтан ҡотҡара.  

–Был система йөрәк-ҡан тамырҙары  һәм инвазив процедураларҙы башҡарыу өсөн ҡулланылған универсаль сараларҙың береһе, – ти бүлексә мөдире, табип Максим Логинов.

Сығанаҡ: Һаулыҡ һаҡлау министрлығының матбуғат хеҙмәте.