Туймазы районында мәктәп спорт залы төҙөкләндерелде

Ул Рәсәй Федерацияһы Президенты Владимир Путиндың май указдары менән булдырылған “Мәғариф” милли проектының (национальный проект “Образование”) “Һәр баланың уңышы” төбәк проекты сиктәрендә үткәрелде.

Уҡытыу-тикшеренеү, ғилми-ғәмәли эшмәкәрлекте ойоштороу, физик культура һәм спорт менән шөғөлләнеү өсөн матди-техник базаны яңыртыуға аҡса федераль, республика һәм урындағы бюджеттарҙан бүленде.

Спорт залы танымаҫлыҡ булып үҙгәргән. Ваҡыты менән туҙған, урыны менән ярылған стеналар һәм түбә йәнә матур төҫ алды – уларҙы ышҡып, буянылар. Иҙәндәге таҡта һәм лагалар тулыһынса алмаштырылған. Яңыртылған япмаға тамғалар һыҙғандар. Мәктәптә тәҙрәләр "Урындағы башланғыстарға булышлыҡ итеү" программаһы буйынса 2023 йылда уҡ алмаштырылған.

Сығанаҡ: "Башҡортостан" гәзите.