Көгөш буйы төҙөкләндерелә

Ғафури районының Красноусол ауылындағы Көгөш йылғаһы буйҙары төҙөкләндерелә. Эштәр «Уңайлы ҡала мөхитен булдырыу» проектына ярашлы бара. Төҙөкләндереү өсөн элекке быяла заводынан алыҫ булмаған биләмә алынған. Проектҡа пирс төҙөлөшө лә ингән. Унда бер нисә эскәмйә ҡуйыласаҡ. Йәмәғәт урынында парковкалау урындары, юлдар, бәләкәй архитектура формалары барлыҡҡа киләсәк, яҡтыртыласаҡ. Әлеге ваҡытта подрядсы ойошма нигеҙ төҙөлөш өсөн ер эштәре менән шөғөлләнә, тип хәбәр итте республиканың Торлаҡ һәм коммуналь хужалыҡ министрлығының матбуғат хеҙмәте.

Киләһе йылда ошо уҡ программа буйынса район үҙәгендә “Йәшлек” паркы эргәһендәге парк биләмәһе төҙөкләндереләсәк. Унда тамашасылар трибуналары, йүгереү өсөн һуҡмаҡтар, пляж волейболы өсөн урын, футбол газоны һәм башҡалар барлыҡҡа килер тип көтөлә.
Әйткәндәй, Рәсәй Президенты Владимир Путиндың “май” указдарына ярашлы барлыҡҡа килгән “Торлаҡ һәм ҡала мөхите” милли проектының “Уңайлы ҡала мөхитен булдырыу” федераль проектына ярашлы, Башҡортостанда 683 объект сынъяһауға әйләнде. Быйыл тағы 123 объект төҙөкләндерелә.

Сығанаҡ, фото: республиканың Торлаҡ һәм коммуналь хужалыҡ министрлығының матбуғат хеҙмәте.

Автор:Гульгина Тагирова

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01424 от 26 августа 2015 г.

Телефон

(347) 522-14-32

Электрон почта

[email protected]

Адресы

453680, Республика Башкортостан, Зилаирский район, с. Зилаир, ул. Ленина,64 А

Реклама хеҙмәте

(347) 522-14-86

Ҡабул итеү бүлмәһе

(347) 522-14-86

Кадрҙар бүлеге

(347) 522-13-61