Республикала һауа торошоноң боҙолоуы фаразлана:

Синоптиктар фаразлауынса, дүшәмбе, 20 ноябрҙә, яуым-төшөм көтөлмәй, көндөҙ көньяҡ-көнбайышта бер аҙ ҡар яуа. Ел көньяҡ-көнбайыштан, көньяҡ-көнсығышҡа күсеүсән талғын. Һауа температураһы -1, -6°тәшкил итәсәк.

Шишәмбе һәм шаршамбы, 21 һәм 22 ноябрҙә, көндөҙ епшек ҡар, ҡар ҡатыш ямғыр, төндә урыны менән көслө ҡар яуыуы фаразлана; айырым райондарҙа боҙлауыҡ, тимер сымдарға һәм ағастарға епшек ҡар һырыуы, юлдарҙа ҡар һырынтылары буласаҡ. Ел көньяҡ-көнсығыштан талғын, урыны менән көсәйеүсән. Термометр төндә -2, -7, көндөҙ -2, +3 градус күрһәтәсәк.