Ауыл уттары
+5 °С
Ясна
Бөтә яңылыҡтар
Район хакимиәтендә
27 Сентябрь 2017, 03:41

ХАҠ ЭШТЕ ХАЛЫҠ БЕЛӘ

Халыҡты таҙа эсәр һыу менән тәьмин итеү ҙур социаль әһәмиәткә эйә. “Һыу менән тәьмин итеү һәм һыу үткәреү” федераль законы үҙ көсөнә ингәс, һыу ресурстарын иҫәпләү, тирә-яҡ мөхитте һаҡлау, һыуҙың сифаты ныҡлы контролгә алынды. Был йәһәттән беҙҙең районда ла бик күп эштәр башҡарылды.

Халыҡты таҙа эсәр һыу менән тәьмин итеү ҙур социаль әһәмиәткә эйә. “Һыу менән тәьмин итеү һәм һыу үткәреү” федераль законы үҙ көсөнә ингәс, һыу ресурстарын иҫәпләү, тирә-яҡ мөхитте һаҡлау, һыуҙың сифаты ныҡлы контролгә алынды. Был йәһәттән беҙҙең районда ла бик күп эштәр башҡарылды.


“Водоканал” яуаплылығы сикләнгән предприятие коллективының эшмәкәрлеге тураһында беҙ уның директоры А.Б. Дворянчиковтан һораштыҡ.


– Александр Борисович, һеҙҙең предприятие ҡарамағына ниндәй объекттар ҡарай?
– Әлеге ваҡытта беҙҙә “Водоканал” ЯСЙ-һы һәм идара итеүсе компания эшләй. Улар комхоз функцияһын үтәй. Беҙ һыу менән тәьмин итеү системаһын, 30 саҡрымға иҫәпләнгән һыу үткәреү селтәрен, ете артезиан скажинаһын хеҙмәтләндерәбеҙ һәм ремонтлайбыҙ.

– Быйылғы йылда ниндәй эштәр башҡарҙығыҙ?
– Быйыл беҙҙең предприятие тарафынан планға ярашлы бик мөһим эштәр башҡарылды. Әлеге ваҡытта Ленин, Дилмөхәмәтов, Муравейского урамдары участкаларында һыу үткәреү селтәрҙәрен алмаштырҙыҡ. Ошо көндәрҙә “Пионерский” тыҡрығы буйлап торбаларҙы алыштыра башларға торабыҙ. Былар барыһы ла“Берҙәм Рәсәй” партияһының “Реаль эштәр” проекты буйынса финанслана.
Тағы ла күрһәткән хеҙмәттәргә түләүҙәр буйынса йыйылған бурыстарҙы бөтөрөү буйынса эш алып барабыҙ, ваҡытында йәки бөтөндәй түләмәү факттарын контролер вазифаһын башҡарыусы хеҙмәткәребеҙ даими асыҡлай. Көн дә халыҡтан заявкалар ҡабул итәбеҙ һәм хеҙмәтләндереүсе ойошма булараҡ, улар буйынса оператив эшләргә тырышабыҙ.

– Шәхси йорттарға һыу үткәреү буйынса эштәр нисек бара. Заявкаларығыҙ күпме?
– Бөгөн өй һалыусылар һыуын да бер юлы үткәреп алырға тырыша. Шуға күрә заявкалар ҙа күп кенә, беҙҙең хеҙмәткә ихтыяж ҙур. Әгәр ауыл халҡы үҙенең көнкүрешен уңайлаштырырға тырыша икән, беҙ уларға был эштә һәр ваҡыт ярҙамға килергә әҙербеҙ.

– Александр Борисович, һыу тәьминәтенең счетчиктарын яңыларына алмаштырыу буйынса эштәр нисек бара?
– Был бик ауыр процесс, дөрөҫөн әйткәндә. Әммә был йүнәлештә халыҡ менән тығыҙ эш алып барыла. Беҙ счетчиктарҙы ҡуябыҙ һәм алмаштырабаҙ. Яңы счетчик ҡуйыу һеҙгә 650 һумға барып баҫасаҡ.

– Коллективығыҙ тураһында ҡыҫҡаса һөйләп үтһәгеҙ ине. Быйылғы 9 айҙың эш һөҙөмтәләре ниндәй?
– “Водоканал” ЯСЙ-һы коллективы, ниндәй генә проблемалы һорауҙар килеп тыумаһын, бик татыу. Беҙ берҙәм команда булмып эшләйбеҙ. Коллективта 20 хеҙмәткәр иҫәпләнә. Быйыл уҙған 8 ай эсендә 3 миллион 62 мең һумлыҡ килем алыуға өлгәштек. Был күрһәткес былтырғы йылдың ошо уҡ осоро менән сағыштырғанда күпкә юғарыраҡ. Сағыштырыу өсөн: былтыр 2 миллион 500 мең килем алғайныҡ. Был уңыштарыбыҙ, әлбиттә, коллективта эшләүселәрҙең тырыш һәм намыҫлы хеҙмәте емеше. Улар араһында үҙ эшенең ысын оҫталары һаналған экскаватор машинисы Александр Милешиндың, дежурныйҙар Николай Алонцев һәм Азат Бекмуратовтың, водитель Петр Зайцевтың тынғыһыҙ хеҙмәтен айырым билдәләп үтер инем. Тәүлектең ниндәй генә сәғәте булмаһын, ял көндәреме йәки байрамдар осоронда ла, улар һәр ваҡыт ярҙамға килергә әҙер. Тап ошондай үҙ эшенә мөкиббән киткән хеҙмәткәрҙәр бер ниндәй өҙлөктәрһеҙ район үҙәге халҡын тәмле, сифатлы һыу менән тәьмин итә.
– Хаҡ эште халыҡ белә. Халыҡ мәнфәғәте өсөн башҡарылған эштәрегеҙ артабан да уңышлы һәм емешле булһын.
Читайте нас: