Башҡортостан башлығы Үҫеш стратегияһын тәҡдим итте

“Владимир Путиндың илде үҫтереү өсөн май указдары булһа, беҙҙә – Башҡортостанда – сентябрь документы буласаҡ”, – тине Радий Хәбиров.

“Сентябрь указ”дарын бойомға ашырыу менән яңыртылған хөкүмәт шөғөлләнәсәк, уның составы ай дауамында билдәле буласаҡ. Радий Хәбиров белдереүенсә, үҫеш биш йыллығында үлемде кәметеү, тыуымды арттырыу бурысы ҡуйыла, ә йәшәү кимәлен яҡшыртыу һөҙөмтәһендә халыҡ республиканан ситкә китмәйәсәк, ә киреһенсә йәшәргә ҡайтасаҡ.

Биш йыл эсендә Башҡортостан биш мөһим йүнәлеш буйынса биш лидер төбәк исемлегенә инергә тейеш. Улар – кеше потенциалы, уңайлы йәшәү шарттары, иҡтисади үҫеш, инвестициялар һәм инфраструктура буйынса. Ғөмүмән, барлыҡ мөһим темалар ҙа халыҡтың ихтыяжынан сығып билдәләнгән.