Бергә йөрөүе күңеллерәк!

Бер генә мәктәп, балалар баҡсаһы булған ауылдарҙа был проблема юҡ, әлбиттә, ә бына ҙурыраҡ ерҙә йәшәгәндәргә, ишле бала тәрбиәләгәндәргә ауырға төшә. Бынан ары улар бер балаһын – бер, икенсеһен бөтөнләй икенсе яҡтағы мәктәп-балалар баҡсаһына йөрөтөп, эшкә барыр алдынан былай ҙа тар булған ваҡытын әрәм итмәйәсәк.

Яңы ҡанун ғаиләләрҙе нығытыуға, яҡындарың менән аралашыу өсөн күберәк ваҡыт бүлергә, ата-әсәйҙәргә эшкә һуңламай йөрөргә, ә инде кескәйҙәргә иртәнсәктән яҡшы кәйеф менән баҡсаға йәки мәктәпкә барырға ярҙам итәсәк.