Ауыл уттары
+20 °С
Болотло
Бөтә яңылыҡтар
Сәйәсәт
13 Март 2020, 14:00

Халыҡ иҫәбен алыу талисманы – ВиПиН тигән ҡошсоҡ

Быйыл үтәсәк Бөтә Рәсәй халыҡ иҫәбен алыу талисманын билдәләү өсөн конкурс үткәрелеүе тураһында беҙ хәбәр иткәйнек инде. Ул 14 ғинуарҙан 10 февралгә тиклем ике этапта үтте. Конкурсҡа Рәсәйҙең 74 төбәгенән 900-ҙән ашыу эш килгән. Жюри шулар араһынан сәйәси сараның асылын, маҡсат-йөкмәткеһен иң яҡшы сағылдырған бер эште һайлап алған.

Шулай итеп, Бөтә Рәсәй халыҡ иҫәбен алыу йылының рәсми талисманы ВиПиН тип аталған һары себеш буласаҡ. Талисмандың авторы – үҙен ov_maxim тип танытҡан Һамар ҡалаһы архитекторы һәм иллюстраторы.
Федераль дәүләт статистика хеҙмәте (Росстат) етәксеһе урынбаҫары, конкурс жюриһы рәйесе Павел Смеловтың әйтеүенсә, был ҡошсоҡ азатлыҡты, тиҙлекте һәм киләсәккә ынтылышты символлаштыра. ВиПиН шулай уҡ халыҡ иҫәбен алыуға яңыса ҡарашты теүәлерәк сағылдыра һәм Бөтә Рәсәй халыҡ иҫәбен алыу – 2020 фирма стиленең логик дауамы буласаҡ.
Читайте нас: