“Берҙәм һайлау көнө”ндә лә тәүге ике көнөндәге кеүек...

Яңыраҡ ҡына үткән брифингта республиканың Үҙәк һайлау комиссияһы рәйесе Илона Макаренко шундай мәғлүмәттәрҙе иғлан итте:

бөгөн сәғәт көндөҙгө 12-гә 1 миллион 608 мең 96 кеше тауыш биргән. Был һайлаусылар исемлегенә индерелгән граждандарҙың 53,5 процентын тәшкил итә икән.

Әлеге мәлгә Һайлауға килеү күрһәткесе ҡалаларҙа – 43 процент самаһы, райондарҙа – 60 проценттан ашыу.

Тағы ла бер-ике ҡыҙыҡлы һан: был һайлауҙа 30 йәшкә тиклемге һайлаусылар – 547 мең кеше (17%), 80 йәште үткәндәр – 127 мең (4.2%). 127 һайлаусы 100 йәшкә еткән һәм хатта уны үтеп киткән. Ә урта алғанда, республика һайлаусыларына 48 йәш.

Ф.Мортаев.