Бөтә яңылыҡтар
Социаль өлкә
26 Сентябрь 2019, 18:36

Һөйөнсө, әсәлек капиталы арта!

2020 йылда Рәсәйҙә әсәлек капиталы күләме 13 мең һумға артып, 466 меңгә етергә тейеш. Ошо маҡсатҡа ил бюджетына 316 миллиард һум аҡса һалынған. Был хаҡта хөкүмәт ултырышында премьер-министр Дмитрий Медведев хәбәр иткән. Хәтергеҙгә төшөрәбеҙ, әле әсәләргә 453 мең һум күләмендә аҡса бирелә.

«Башинформ» агентлығы мәғлүмәттәренә ярашлы, Башҡортостанда 12 меңдән ашыу ғаиләнең әсәлек капиталы аҡсаһын белем алыуға тотоноуы билдәле. Рәсәй Хеҙмәт министрлығы икенсе балаһы тыуған ғаиләләргә ошо социаль ярҙам сараһының ваҡытын сикләмәү тәҡдимен индерергә йыйына икән.
Рәсәй Федерацияһы бюджеты тураһындағы законға ярашлы, алдағы өс йылда Рәсәй капиталының байтаҡ өлөшөн медицинаны үҫтереүгә һәм диспансерлаштырыуға йүнәлтәләр. Киләһе йылда Мотлаҡ медицина страховкалау фонды сығымдары яҡынса 2,4 триллион һум була.