Ауыл уттары
+18 °С
Болотло
Бөтә яңылыҡтар
Социаль өлкә
6 Декабрь 2019, 16:10

“Комендант сәғәте” оҙайтылырмы?

Билдәле булыуынса, Башҡортостанда 17 йәшкә тиклемге үҫмерҙәргә киске сәғәт ундан таңғы алтыға, ә йәйгеһен төнгө 12-нән таңғы 6-ға тиклем йәмәғәт урындарында яңғыҙ йөрөү тыйыла.

Әле Башҡортостан Дәүләт Йыйылышы - Ҡоролтай депутаттары балалар өсөн "комендант сәғәте"н бер сәғәткә оҙайтырға ниәтләй. Был йәйге ваҡытҡа ҡағыла. Халыҡ һайланыусылары сикләү ваҡытын төнгө 11-ҙән таңғы 6-ға ҡәҙәр индерергә тәҡдим итә. Улар быны йәйге ваҡытҡа күскәндән һуң ҡараңғы иртә төшә башлау менән аңлата.
Депутаттарға "комендант сәғәте"н оҙайтыуҙы һорап ата-әсәләрҙән, хоҡуҡ һаҡлау органдарынан да мөрәжәғәттәр булған икән. Әйткәндәй, илдә балалар өсөн “комендант сәғәте”н беренселәрҙән булып тап беҙҙең республикала индерәләр. Күҙәтеүҙәрҙән күренеүенсә, был сара үҫмерҙәр менән бәйле енәйәттәрҙе күпкә кәметә.
Читайте нас: