Эшһеҙҙәр арта

Был мәсьәлә даими контролдә. Бөгөн вице-премьер Ленара Хәкимова көн үҙәк хәлдәр тураһында мәғлүмәт еткерҙе.
Көндәлек мониторинглау мәғлүмәттәре буйынса, 14 июнгә ҡарата Башҡортостанда мәшғүллек үҙәктәренә мөрәжәғәт итеп, унда теркәлгән эшһеҙҙәр һаны 2020 йылдың 1 ғинуарынан алып 4,2 тапҡырға артҡан һәм бөгөн 76 мең кеше тәшкил итә. Уларҙың 70 мең самаһы эшһеҙлек буйынса пособие ала.
– Теркәлгән эшһеҙлек буйынса иң ҙур кимәл Ағиҙел, Межгорье, Өфө, Күмертау, Стәрлетамаҡ ҡалалары, Шишмә, Кушнаренко, Өфө, Ҡырмыҫҡалы һәм Иглин районындарында күҙәтелә, – тине Ленара Иванова. – Шуға баҫым яһайым, был яҡшы ла, насар ҙа түгел. Ни бары һандар ғына. Кешеләр мәшғүллек хеҙмәтенә мөрәжәғәт итә, сөнки пособие күләме ҙур һәм дәүләт ярҙамы нығыраҡ була башланы.
Бынан тыш, республиканың Ғаилә, хеҙмәт һәм халыҡты социаль яҡлау министрлығы мәғлүмәттәре буйынса, Башҡортостанда эшләмәй торған йәки тулы булмаған көн эшләгән хеҙмәткәрҙәр һаны кәмегән. Улар 120 меңдән ашыу кеше тәшкил итә.
– Бөгөн өйҙән 81,5 мең кеше эшләй, 23 мең кеше ваҡытлыса эшләмәй тора, тулы булмаған эш көнө режимында 16 мең кеше. Рәсәйҙең Хеҙмәт министрлығына мәшғүллеккә ярҙам итеү өсөн ғариза ебәрҙек һәм яҡын арала ҡарар ҡабул ителер тип ышанабыҙ. Дөйөм алғанда хәл контролдә, хеҙмәт баҙарында “емерелеү”гә ҡул ҡуйылманы, – тине ул.