Йылайыр районында эске туризмды үҫтереү буйынса эш йылдам бара

Балаларҙы патриотик тәрбиәләү һәм уҡыусыларҙың тыуған районы тарихына ҡыҙыҡһыныуын үҫтереү маҡсатында, уҡыусыларҙың әүҙем йәйге ялы сиктәрендә Йылайыр ауылындағы Шәйехзада Бабич исемендәге башҡорт гимназияһының тарих уҡытыусыһы Елизавета Александровна Шаранова төп урам - сауҙагәр урамы буйлап балалар өсөн йөкмәткеле экскурсия үткәрҙе. Аҙаҡ улар тарих-крайҙы өйрәнеү музейында булды. Музей ҡараусыһы Виктор Еремкин һөйләгәндәрҙе ҙур ҡыҙыҡһыныу менән тыңланы.

Сара аҙағында экскурсияла ҡатнашыусылар "Йондоҙло" физкультура-сәләмәтләндереү комплексында ла булды, бассейнда һыу төшөп кинәнде.