«Грант оттоҡ, ҡорамалдар алдыҡ, хәҙер СВО-лағы егеттәребеҙгә ярҙам итәсәкбеҙ!»

«Преображенск» халыҡты социаль хеҙмәтләндереү үҙәгендә министрға ойошма "Zемляки сVами" проекты менән президент Гранттары фонды конкурсында еңеүсе булыуы һәм алынған аҡсаға яҡын арала етештерелгән продукцияның күләмен арттырырға һәм ассортиментын киңәйтергә мөмкинлек биргән ҡорамалдар һатып алынасағы хаҡында әйткәйнеләр. Ошо көндәрҙә был ҡорамалдар һатып алынды.

– Грант ярҙамында кәрәкле ҡорамалдар һәм тегеү материалдары һатып алынды. Был, әлбиттә, һалдаттар өсөн тегелгән әйберҙәрҙең сифатын һәм күләмен арттырырға булышлыҡ итәсәк, – тип белдерҙе «Преображенск» халыҡты социаль хеҙмәтләндереү үҙәге директоры Ғәлиә Солтанова.

Райондың дүрт ауылында: Матрай, Ҡашҡар, Йылайыр һәм Кананикольскийҙа һалдатарға киптерелгән әҙер аштар һәм бутҡаларҙы етештереү өсөн ҡорамалдар урынлаштырылды. Матрай ауыл биләмәһенә ҡараған ауылдарҙың әүҙем йәмәғәтселәре, волонтер ҡатын-ҡыҙҙары махсус мейестә – дегидраторҙа һалдаттарға ҡорот киптереү эшенә тотондо ла инде.
Юлдыбай һәм Йылайыр ауылдары уңғандары егеттәргә эс кейеме тегә. Ә маскировка селтәрҙәрен үреү менән район ирекмәндәре, йәшәгән урыны буйынса ауыл клубтарында шөғөлләнәсәк. Ҡайһы бер битараф булмаған кешеләр маскировка селтәрҙәре үреүҙе, башҡалары балаклава һәм турникеттар етештереүҙе, өсөнсөләре ҡоро душ һәм окоп шәмдәре һ. б. етештереү эшен өйрәнә.

Был барлыҡ эштәр ауыл халҡын берләштереүҙән тыш, уларға махсус хәрби операцияла ҡатнашыусыларға ярҙам итеүҙә әүҙем ҡатнашырға мөмкинлек бирә. Был социаль әүҙемлек өсөн мөмкинлектәр тыуҙыра, быуындар араһындағы бәйләнеште нығыта һәм үҙ-ара ярҙам итеү традицияларын һаҡлап ҡалыуға, берҙәмлеккә өйрәтә. Ә үҙ бурыстарын үтәгән яугирҙәребеҙҙән ярҙам өсөн рәхмәт һүҙҙәре, йылы сәләмдәр килә.

#ПрезидентскиеГранты #ФондПрезидентскихГрантов #Зилаирскийрайон #Йылайыррайоны #ZемлякисVами