Бөтә яңылыҡтар
Спорт
18 Сентябрь 2019, 16:44

Миҙгелде уңышлы астылар

Ошо көндәрҙә беҙҙең кикбоксерҙарыбыҙ Магнитогорск ҡалаһында үткән турнирҙа ҡатнашып ҡайтты. Төбәк-ара 6-сы асыҡ турнир изге кенәз Александр Невский иҫтәлегенә уҙғарылды.

Турнирҙа Рәсәй Федерацияһы төбәктәренән 250-нән ашыу спортсы ҡатнашты. Ҡаҙағстан Республикаһынан хөрмәтле ҡунаҡтар ҙа булыуы сараға мәртәбә өҫтәне. Биш кешенән торған беҙҙең район командаһы миҙгелде яҡшы һөҙөмтәләр менән асты. Был турнирҙан ағалы-ҡустылы Гамлет менән Арман Абраамяндар көмөш призерҙар булып ҡайттылар. Әйткәндәй, турнирҙа Учалы ҡалаһы намыҫын яҡлап ҡатнашҡан беҙҙең район егете Марат Ҡолһарин да көмөш призер булды.
Кикбоксерҙарыбыҙҙы һәм уларҙың тренерҙарын сираттағы еңеүҙәре менән ҡотлайбыҙ