Бөтә яңылыҡтар
Спорт
18 Сентябрь 2019, 16:48

Терроризмға ҡаршы теләктәшлек көнөнә бағышланды

Район үҙәгендәге “Йондоҙло” физкультура-сәләмәтләндереү комплексында үткән өҫтән теннисы буйынса асыҡ турнир күп спорт һөйөүселәрҙе йыйҙы. Был сара терроризмға ҡаршы теләктәшлек көнөнә бағышланып уҙғарылды.

Турнир ҡыҙыу барҙы. Бөтә призерҙар һәм еңеүселәр район хакимиәтенең йәштәр сәйәсәте, физик культура һәм спорт бүлегенән миҙалдар һәм грамоталар менән бүләкләнде. Шулай итеп, ир-егеттәр араһында Йылайыр ауылынан Салауат Амантаевҡа еткәндәр булманы, оҫта тенниссы беренсе урын яулауға иреште. Һабыр ауылынан Шәһит Әҙелгилдин – икенсе, район үҙәгенән Вәкил Таһиров өсөнсө урындар яуланы.
Ҡатын-ҡыҙҙар араһында урындар түбәндәгесә билдәләнде:
Яманһаҙ ауылынан Алина Сысенко – беренсе, Йылайыр ауылынан Татьяна Кашина менән Әлфирә Әбүбәкирова икенсе һәм өсөнсө урындар алыуға өлгәште.