Ауыл уттары
+16 °С
Болотло
Бөтә яңылыҡтар
Уңайлы мөхит
4 Декабрь 2019, 13:27

Төҙөк, таҙа, матур биләмәлә йәшәйәсәкбеҙ!

Башҡортостанда Зауыҡлы биләмәләр йылы тип иғлан ителгән киләһе 2020 йылда тормошҡа ашырылырға тейешле маҡсаттар исемлеге төҙөлгән.

Хөкүмәттәге оператив кәңәшмәлә вице-премьер һәм торлаҡ-коммуналь хужалыҡ министры Борис Беляев дүрт төп йүнәлеште иғлан иткән. Улар – газондар яһау, тротуарҙарҙы төҙөкләндереү, урамдарҙы яҡтыртыуҙы монтажлау, ҡоймалар ҡуйыу, дөйөм алғанда, ҡасабаларҙың тышҡы йөҙөн берҙәм стандартҡа килтереү. Әле министрлыҡта проектты бойомға ашырыу план-графигы әҙерләнә.
«Министрлыҡтың бурысы – ҡыҫҡа ваҡыт эсендә муниципалитет башлыҡтарына эш параметрҙарын билдәләү , — ти Башҡортостан башлығы Радий Хәбиров. — Эш биләмәне капиталь йыйыштырыуҙан башланырға тейеш. Беҙгә халыҡтың инициативаһын уятырға кәрәк. Ошо ҙур эштә улар үҙҙәре ҡатнашырға тейеш». Тимәк, беҙгә лә был йәһәттән әүҙемерәк булырға кәрәк, йәмәғәт.
Читайте нас: