Бөтә яңылыҡтар
Һайлау - 2019
8 Сентябрь 2019, 17:50

Бар ерҙә байрам кәйефе

Мөһим сәйәси ваҡиға – берҙәм һайлау көнөнән Сидоровка ауылы халҡы ла ситтә ҡалманы. Бында тауыш биреү иртәнге сәғәттәрҙән үк бик әүҙем бара һәм 12 сәғәткә һайлаусыларҙың 60 проценты үҙ гражданлыҡ бурысын үтәп өлгөргән дә инде.
Сәлим, Байғужа ауылдары халҡы ла көн дауамында һайлау участкаларына дәррәү ағыла. Урамдарҙан дәртле йыр-моң ағыла, бер нисә ямғырлы көндән һуң урынлашҡан йылы, ҡояшлы һауа торошо ла байрам кәйефен арттыра. Ғөмүмән, кәйефтәре көр һайлауға килеүселәрҙең Бүтәнсә булыуы ла мөмкин түгел: улар бит бөгөн үҙҙәренең яҡты киләсәген һайлай.